वेळ: २० ते २५ मिनीटे
वाढणी: २ ते ३ जणांसाठी
साहित्य:१ कप बटाट्याच्या चौकोनी फोडी
१ कप भोपळ्याच्या चौकोनी फोडी
१ टेस्पून तूप
१/२ टिस्पून जिरे
२ ते ३ हिरव्या मिरच्या, उभ्या चिरून
२ टेस्पून ओलं खोबरं
२ टेस्पून शेंगदाण्याचा कूट
साधारण १/४ कप ताक (टीप १)
चवीपुरते मिठ
कोथिंबीर बारीक चिरून
कृती:
१) कढईत तूप गरम करून जिरे फोडणीस टाकावे. नंतर हिरव्या परताव्या व त्यावर बटाट्याच्या फोडी घालून निट ढवळावे. ३-४ चमचे पाणी घालावे. २ वाफा काढाव्यात.
२) नंतर भोपळ्याच्या फोडी आणि मिठ घालून मिक्स करावे. वाफ काढावी. वाफ काढताना थोडा ताकाचा हबका मारावा. ओलं खोबरं घालून मिक्स करावे. भोपळा शिजेस्तोवर २-३ वाफा काढाव्या. शेंगदाण्याचे कूट घालून हलक्या हाताने मिक्स करावे.
गरमा गरम भाजी पोळीबरोबर छान लागते तसेच उपासाला बदल म्हणून नुसती खायलाही चांगली वाटते.
टीप:
१) भाजी परतताना जर भाजीला ओलसरपणा कमी वाटला तेवढ्यापुरताच ताकाचा हबका मारावा.
No comments:
Post a Comment