वेळ: २० मिनिटे
वाढणी: २ ते ३ जणांसाठी
साहित्य:१ टेस्पून बटर
३०० ग्राम ब्रोकोलीचे तुरे (साधारण दीड कप लहान तुरे)
१ मध्यम कांदा, चिरलेला (३/४ कप)
१ मध्यम गाजर, चिरून
चवीनुसार मीठ आणि मिरपूड
१ टेस्पून मैदा
२ कप पाणी (टीप १)
१/४ कप क्रीम (मी हाफ अँड हाफ वापरले होते)
क्रूटॉन्स
कृती:
१) नॉनस्टिक पॅनमध्ये बटर गरम करावे. त्यात ब्रोकोली, कांदा, आणि गाजर घालावे. थोडे मीठ आणि मिरपूडसुद्धा घालावी. मध्यम आचेवर कांदा थोडा पारदर्शक होईस्तोवर परतावे. साधारण ५ ते ६ मिनिटे.
२) यामध्ये मैदा घालून दोनेक मिनिटे परतावे. पाणी घालून उकळी काढावी. मध्यम आचेवर १० मिनिटे उकळी काढावी.
३) क्रीम घालून ढवळावे. मिक्सरमध्ये प्युरी करावी. मीठ मिरपूड अड्जस्ट करावे. १ ते २ मिनिटे गरम करून सूप सर्व्ह करावे.
सर्व्ह करताना बरोबर तळलेले किंवा बेक केलेले ब्रेडचे तुकडे (क्रूटॉन्स) द्यावे.
टीप:
१) पाण्याऐवजी व्हेजिटेबल स्टॉक किंवा चिकन स्टॉक वापरता येईल.
No comments:
Post a Comment