वाढणी: २ जणांसाठी
साहित्य:१ कप पनीरचा चुरा
१/२ कप बारीक चिरलेला कांदा
१/४ कप बारीक चिरलेला टोमॅटो
१ टेस्पून तेल
१/८ टिस्पून हळद
१/४ टिस्पून लाल तिखट
१/४ टिस्पून जिरे
२ हिरव्या मिरच्या, उभे दोन तुकडे
१/४ टिस्पून जिरेपूड
१/४ टिस्पून आमचूर पावडर
चिमूटभर गरम मसाला
चवीपुरते मिठ
कृती:
१) कढईत तेल गरम करावे. त्यात जिरे, हळद, लाल तिखट आणि हिरव्या मिरच्या घालून फोडणी करावी. त्यात कांदा घालून कांदा गुलाबीसर रंगावर परतुन घ्यावा.
२) कांदा परतून झाल्यावर त्यात टोमॅटो घालावे. टोमॅटो नरम होईस्तोवर परतावे, साधारण १ ते २ मिनीटं. नंतर जिरेपूड, आमचुर पावडर आणि गरम मसाला घालून निट मिक्स करावे.
३) पनीरचा चुरा घालून परतावे. त्यात चवीनुसार मिठ घालावे. मध्यम आचेवर २ मिनीटं परतावे. कोथिंबीर आणि कांद्याच्या चकत्या घालून सजवावे आणि सर्व्ह करावे.
Labels:
Paneer Bhurji, Paneer burji, Burjee
No comments:
Post a Comment