ज्वारीची भाकरी - Jwarichi chi Bhakari

Jowar Bhakari in English

वेळ: २५ मिनीटे
वाढणी: ४ ते ५ मध्यम भाकर्‍या

साहित्य:
२ कप ज्वारीचे पिठ
अंदाजे दिड ते दोन कप गरम पाणी
१ टेस्पून लोणी किंवा तूप
१/४ टिस्पून मिठ
१/२ ते पाऊण कप ज्वारीचे पिठ भाकरी थापायला किंवा लाटायला

भोगीची भाजी रेसिपी

कृती:
१) पातेल्यात पाणी गरम करून त्यात १ टेस्पून लोणी सोडावे. पाणी चांगले गरम झाले कि परातीत ज्वारीचे पिठ आणि मिठ घालून मिक्स करावे. त्यात पाणी बेताबेताने ओतावे. हळू हळू मिक्स करून मळावे. पिठ चांगले मळले गेले पाहिजे.
२) मळलेल्या पिठाचे ४ किंवा ५ गोळे करावे व लगेच भाकरी करण्यास घ्यावी.
३) तवा गरम झाला कि गॅस मिडीयम हाय हिटवर ठेवावा. मळलेल्या पिठाचा गोळा कोरड्या पिठात बुडवून हलक्या हाताने लाटावा (टीप १). लागल्यास अजून थोडे कोरडे पिठ घ्यावे. भाकरी मध्यमसर जाड ठेवावी.
४) भाकरी तव्यावर टाकावी. वरच्या बाजूने हाताने किंवा सुती कापडाने पाणी लावावे. पाणी सुकत आले कि भाकरी पलटावी व दुसर्‍या बाजूने भाजावी. (महत्त्वाची टीप २)
गरमागरम भाकरीवर लोणी घालून झुणका, पिठलं किंवा वांगं-बटाटा-कांदा अशा मिक्स रस्सा भाजीबरोबर छान लागते.

टीप:
१) भाकरी थापूनही करू शकतो. पिठाचा गोळा थोड्या जास्त पिठावर हलके हलके थापावा व भाकरी वाढवत न्यावी.
२) माझ्या घरी इलेक्ट्रिक स्टोव्ह कॉईल असल्याने आचेवर भाजता येत नाही. पण घरी विस्तवाची (flame) शेगडी असेल तर भाकरीची एक बाजू तव्यावर शेकावी. दुसर्‍या बाजूला लावलेले पाणी सुकले कि फुलके भाजायच्या चिमट्याने दुसरी बाजू थेट आचेवर ठेवावी. चिमट्याच्या मदतीने थोडी गोलगोल फिरवावी म्हणजे जळणार नाही.
३) भोगीच्या दिवशी भोगीची भाजी आणि ज्वारी/बाजरीची भाकरी खातात. भाकरीवर तिळ लावून भाकरी भाजतात. भाकरी लाटताना/ थापताना वरून तिळ पेरावे आणि मग लाटावी/ थापावी.

मायक्रोवेव्ह सुरळी वडी - Microwave Surali Vadi

Surali Vadi in English

साधारण १२ ते १५ वड्या
वेळ: पूर्वतयारी:- १५ ते २० मिनीटे । मायक्रोवेव्ह:- ५ ते ७ मिनीटे

साहित्य:
१ कप बेसन
१ कप आंबट ताक (जरा घट्ट)
दिड ते पावणेदोन कप पाणी
पाउण ते एक टिस्पून मिरचीचा ठेचा
१/२ टिस्पून हळद
१/२ टिस्पून हिंग
फोडणीसाठी : २ टेस्पून तेल, १/४ टिस्पून मोहोरी, २ ते ३ चिमटी हिंग
खवलेला ताजा नारळ, गरजेनुसार
वरून पेरायला थोडे लाल तिखट
बारीक चिरलेली कोथिंबीर
मीठ
मिश्रण पसरवण्यासाठी कालथा
जाड प्लास्टिकचा लांब कागद

कृती:
१) बेसन, ताक, पाणी एकत्र करावे. बेसनाच्या गुठळ्या न होता मिश्रण भिजवावे. त्यात मिरचीचा ठेचा, हळद आणि हिंग घालावे. चवीपुरते मीठ घालावे. सर्व मिश्रण एकदम स्मूद करून घ्यावे.
२) बेसनाचे हे मिश्रण शिजवण्यापुर्वी प्लास्टिकचा कागद ओट्यावर किंवा टेबलावर पसरवून ठेवावा.
३) मायक्रोवेवसेफ भांड्यात सर्व मिश्रण घालावे. हाय पॉवरवर ५० सेकंद मिश्रण शिजवावे. भांडे बाहेर काढून व्यवस्थित ढवळावे. किंचीत गुठळ्या होण्याची शक्यता असते तेव्हा एगबिटरने मिश्रण निट एकजीव करून घ्यावे. मिश्रण शिजेस्तोवर ३०-४० सेकंद मायक्रोवेव करत राहावे. साधारण २ ते ३ वेळा मिश्रण मायक्रोवेव करावे लागते. मिश्रण खुप दाट नाही आणि खुप पातळ नाही असे झाले कि मिश्रण शिजले असे समजावे.
४) मिश्रण थंड होवू देवू नये. लगेच कालथ्याने मिश्रणाचा पातळ थर प्लास्टिक कागदावर पसरावा. थोडे थंड होवू द्यावे.
५) कढल्यात तेल गरम करावे त्यात मोहोरी, हिंग घालून फोडणी करावी. आणि मिश्रणाच्या पातळ थरावर चमच्याने फोडणी पसरावी. म्हणजे फोडणी नीट पसरली जाते.
६) त्यावर खवलेला नारळ आणि बारीक चिरलेली कोथिंबीर पेरावी. थोडे लाल तिखट पेरावे. नंतर सुरीने ५ इंच पट्ट्या कापाव्यात. त्याची सुरळी (गुंडाळी)करावी आणि मग त्या सुरळीचे ३-४ भाग करावेत.
७) सर्व्ह करताना सुरळीच्या वड्यांवर थोडी कोथिंबीर आणि खवलेला नारळ घालावा.

सुरळीच्या वड्या - शेगडी (गॅस) वापरून

टीप:
१) मिश्रणाचा पातळ थर करण्यासाठी स्टीलची ताटेसुद्धा वापरू शकतो पण त्यामुळे खुप ताटे वापरली जातात.
२) जर फोडणी फक्त वड्यांवर आवडत असेल तर आपल्या आवडीनुसार सुरळ्या केल्यानंतर त्यावर फोडणी घालावी.
३) सुरळीच्या वड्या करताना नारळ आणि कोथिंबीर आपण आधीच पेरले आहे त्यामुळे चव छान येते. पण सुरळी करताना थोडा त्रास होवू शकतो. अशावेळी मिश्रणाचा पातळ थर केल्यावर त्यावर फक्त फोडणीच घालावी. सुरळी करून मग वरून कोथिंबीर आणि नारळ पेरावे.

Labels:
Surali Vadi, Khandvi, Gujrati Snack

अळूवडी - Aluvadi

Patra in English

साधारण १५ वड्या
वेळ: तयारीसाठी २० मिनीटे । पदार्थ बनविण्यासाठी २० मिनीटे

साहित्य:
अळू वड्यांसाठी असलेली अळूची पाने ४ किंवा ६
३/४ ते १ कप चणापिठ
१ टेस्पून तांदूळ पिठ
१/४ कप चिंच (घट्टसर कोळ)
२ टेस्पून किसलेला गूळ
१/४ टिस्पून हळद, २ टिस्पून लाल तिखट, एकेक टिस्पून धणे-जिरे पूड चवीपुरते मिठ
तळण्यासाठी तेल

कृती:
१) चणापिठ, तांदूळ पिठ, चिंच कोळ, गूळ, हळद, लाल तिखट, धणे-जिरे पूड, १ चमचा तेल, चवीपुरते मिठ घालून मिक्स करावे. घट्टसर करून घ्यावे. वाटल्यास थोडे पाणी घालावे. मिश्रण पातळ नसावे तसेच एकदम घट्ट गोळासुद्धा नसावा. मिश्रण जरा चिकटसर होईल. अळूच्या पानावर मिश्रणाचा पातळ थर पसरवता येईल इतपत मिश्रण दाट असावे.
२) पाने धुवून फडक्याने पुसून घ्या देठ कापून टाका. पान उलटे ठेवून त्यावर लाटणे फिरवावे. पानावर मिश्रणाचा पातळ लेयर लावावा. त्यावर दुसरे पान तसेच उलटे ठेवून त्यावर मिश्रण लावावे. तिन्ही पाने तशीच करावीत. खालच्या बाजूकडून लहान बाजूला घट्ट गुंडाळी करावी. गुंडाळताना थोडे थोडे मिश्रण लावावे. तयार उंडे मोदकाप्रमाणे वाफेवर उकडावेत.
गार झाले कि चकत्या कापून तळावेत किंवा शालो फ्राय करावेत.
सर्व्ह करताना अळूवडीवर कोथिंबीर, ओले खोबरे, आणि भाजलेले तिळ घालावेत.


टीप:
१) उकडलेल्या अळूवड्यांवर तेल, हिंग, आणि मोहोरीची फोडणी घालून तशाही खाऊ शकतो.
२) डीप फ्राय करण्याऐवजी जर अळूवड्या शालोफ्राय केल्या तर जास्त कुरकूरीत होतात.
३) एक महत्त्वाची गोष्ट म्हणजे अव्हेलेबल असलेल्या अळूच्या पानांपैकी मोठे पान आधी घ्या व त्याला तयार मिश्रण लावा. त्यावर मध्यम आकाराचे आणि सर्वात वर लहान अशाप्रकारे मांडणी करा. जर लहान पान बेस म्हणून घेतले तर रोल निट होणार नाही.
४) शक्यतो ३ पानांपेक्षा जास्त पाने एका रोलसाठी वापरू नका त्यामुळे रोल जाडीला जास्त होतो, तसेच घट्ट वळला जात नाही आणि अळूवडी तळताना तेलात सुटण्याचा संभव असतो.
५) रोल एकदम छान घट्ट बांधला गेला पाहिजे म्हणजे अळूवड्या तळल्यावर किंवा शालोफ्राय केल्यावर गोल आणि अख्ख्या राहतील.

Labels:
Indian Snack, Patra, Alu Vadi, Taro leaf rolls

मेथी मुठीया - Methi Muthia

Methi Muthia in English

वेळ: २० मिनीटे

साहित्य:
१/२ कप बारीक चिरलेली मेथीची पाने
१ ते दिड टेस्पून दही
दिड टेस्पून बेसन
दिड टेस्पून तांदूळ पिठ
दिड टेस्पून गव्हाचे पिठ
१ टेस्पून तेल
३-४ लसूण पाकळ्यांची पेस्ट
१ टिस्पून ओवा
१ टिस्पून तिळ
१ टिस्पून जिरे
चवीपुरते मिठ
तळण्यासाठी तेल

कृती:
१) सर्व जिन्नस एकत्र करून मळावे. पाणी अजिबात घालू नये. जर खुपच कोरडे वाटले तर अजून थोडे दही घालावे.
२) एकत्र मळलेल्या या मिश्रणाचे १ इंचाचे लांबुडके गोळे करावे. तळण्यासाठी तेल गरम करावे आणि मिडीयम हाय गॅसवर तळून घ्यावे.

Labels:
methi muthia, muthia recipe, fenugreek recipe, methi recipe, Methi muthiya

मेथी थेपला - Methi Thepla

Methi Thepla in English

वाढणी: ४ ते ५ (५ ते ६ इंचाचे)


साहित्य:
१ कप बारीक चिरलेली मेथी
१/२ कप कणिक
२ टेस्पून दही
१/२ टिस्पून जिरे
१/४ टिस्पून ओवा
१ टिस्पून जिरेपूड
१/४ टिस्पून हळद
१/२ टिस्पून लाल तिखट
२-३ हिरव्या मिरच्या, बारीक चिरून
थोडेसे तेल
चवीपुरते मिठ

कृती:
१) एका भांड्यात चिरलेली मेथी आणि साधारण १/२ टिस्पून मिठ घालून किंचीत कुस्करून घ्यावी. १५-२० मिनीटे झाकून ठेवावे. थोड्यावेळात मेथीला किंचीत पाणी सुटेल.
२) मेथीमध्ये जिरे, ओवा, जिरेपूड, हळद, लाल तिखट, हिरव्या मिरच्या घालावे आणि मिक्स करावे. कणिक, किंचीत मिठ आणि दही घालून मळून घ्यावे. अजून दही लागणार नाही पण जर पिठ घट्ट झाले तर किंचीत दही घालून मळावे, पाणी वापरू नये. मळलेले पिठ १/२ तास झाकून ठेवावे.
३) १/२ तासाने पिठ एकदा परत मळून घ्यावे आणि ४ ते ५ गोळे करून घ्यावे. तवा गरम करावा. पोळ्या करतो तसे लाटून घ्यावे. थोडे तेल घालून दोन्ही बाजू निट भाजून घ्याव्यात.
गरम गरम थेपला चटणीबरोबर सर्व्ह करावा.

Labels:
Methi Thepla, Fenugreek Roti, Fenugreek Thepla

Suralichya Vadya

Suralichya Vadya in Marathi

Ingredients:
1 cup Besan (chickpea flour)
1 cup Sour Buttermilk (little thicker)
1 cup water
1 tbsp green chili paste
1 tsp Turmeric Powder
½ tsp Asafoetida Powder
For Tempering:
2-3 tbsp Oil, ½ tsp Mustard Seeds, Pinch of Asafoetida powder, ½ tsp Turmeric Powder, 4 Curry Leaves
½ cup Fresh grated Coconut
1 tsp Red Chili Powder
½ cup finely chopped Cilantro
Salt to taste
Kalatha to spread the mixture (Indian Stainless steel Utensil just like Lasagna Turner)
Thick plastic sheet (approximately 3 ft X 3 ft) greased with little oil

Method:
1) Whisk together Chickpea flour, Buttermilk and water. Remove all the lumps. Add chili paste to taste, 1 tsp Turmeric Powder, ½ tsp Asafoetida Powder and salt to taste. Mix well and make a smooth batter.
2) Pour this batter in a saucepan, turn the heat on medium, and start stirring. Keep stirring continuously until the batter cooked properly, otherwise batter will form lumps in it.
3) Batter will become thick in few minutes. Take the greased plastic sheet. Let the mixture cool down very little. Spread it on plastic sheet with Kalatha to very thin layer. Let the mixture layer cool down a little.
4) In small saucepan heat 2-3 tbsp oil, add Mustard seeds, pinch of Asafoetida powder, ½ tsp Turmeric Powder and 4 Curry Leaves. With spoon spread this tadka on the layer.
5) Sprinkle Red chili powder, shredded coconut and chopped cilantro on the layer. With a knife gently cut the layer into 5 inch stripes. Make rolls of each stripe gently. Then cut each roll into 3-4 equal vadis.
6) We have already spread tadka inside the rolls, so no need to drizzle more tadka over the rolls. But if you want you can pour 2-3 tbsp tadka over the 6-7 vadis.
7) While serving sprinkle little cilantro and shredded coconut.

Surali Vadi (Khandvi) - Microwave Method

Tips:
1) Instead of plastic sheet, you can use backside of stainless steel thali (Plates) to make thin layer of mixture. But you will need 5-6 thalis for the whole batter, which could be little difficult to manage.
2) If you do not want tadka inside the roll, don’t spread tadka on the layer, just spread takda with spoon over the roll after making roll.




Labels:
Suralichya Vadya, Suaralichya Wadya, Surali Vadi