साधारण २ कप शेव
वेळ: ३० मिनीटे
साहित्य:
१/४ कप पाणी
१/४ कप तेल
चवीपुरते मिठ
६ ते ७ टेस्पून बेसन
१/४ टिस्पून हळद
१/२ टिस्पून ओव्याची पुड
तेल तळण्यासाठी
कृती:
१) तेल, ओवापुड आणि पाणी एकत्र करून फेसून घ्यावे. निट एकजीव होवू द्यावे. मिश्रण चांगले पांढरे झाले पाहिजे. या मिश्रणात चवीपुरते मिठ आणि हळद घालून मिक्स करावे.
२) यामध्ये चमचा-चमचा बेसन घालून चांगले घोटावे. बर्यापैकी घट्टसर मिश्रण करावे. पातळ अजिबात नको, पण एकदम पिठाचा गोळाही मळू नये. मी बनवले होते तेव्हा ६ ते ७ टेस्पून बेसन लागले होते.
३) सोर्यामध्ये बारीक शेवेची ताटली बसवावी व आतल्या बाजूने तेलाचा हात लावावा.
४) कढईत तेल गरम करावयास ठेवावे. मिश्रण सोर्यामध्ये भरून गरम तेलात आतून बाहेर असे २-३ वेळा गोलाकारात शेव पाडावी. मिडीयम हाय फ्लेमवर शेव तळून घ्यावी. जास्तवेळ तळू नये, यामुळे शेवेचा रंग बदलतो.
तळलेली शेव टिश्यू पेपरवर काढावी. नंतर शेव हलक्या हाताने चुरडून घ्यावी.
Labels:
Sev, Shev, Sev puri, Diwali Faral Recipe
No comments:
Post a Comment