फोडणीचा पाव - phodanicha paav

Bread chi Usal in English

वेळ: १० मिनिटे
वाढणी: २ जणांसाठी

साहित्य:
१० ब्रेडचे स्लाईसेस
२ टेस्पून तेल
फोडणीसाठी: २ चिमटी मोहोरी, १ चिमटी हिंग, १/८ टीस्पून हळद, ४-५ कढीपत्ता पाने
२ हिरव्या मिरच्या, उभ्या चिरून (किंवा २ सुक्या लाल मिरच्या मोडून)
१/४ कप कांदा, बारीक चिरून
चवीपुरते मीठ आणि साखर
कोथिंबीर सजावटीसाठी
१ टीस्पून लिंबाचा रस

कृती:
१) ब्रेडच्या स्लाईसेसचे छोटे चौकोनी तुकडे करून घ्यावे. किंवा हातानेच तुकडे करावे.
२) कढईत तेल गरम करून मोहोरी, हिंग, हळद, आणि कढीपत्ता घालून फोडणी करावी. हिरव्या मिरच्या आणि कांदा घालून परतावा.
३) कांदा परतताना मीठ घालावे आणि कांदा पारदर्शक होईस्तोवर परतावा.
४) ब्रेडचे तुकडे घालून २ चिमटी साखर पेरावी.
५) झाकण ठेवून मिडीयम आचेवर २-३ मिनिटे वाफ काढावी.
लिंबाचा रस आणि कोथिंबीर घालून गरमच सर्व्ह करावे.

टीपा:
१) ब्रेड मिक्सरमध्ये बारीक करून घेतला तरीही चालतो.

माणिकमोती - Manikmoti

Manikmoti in English

२ जणांसाठी
वेळ: १५ मिनीटे

साहित्य:
४ आदल्या दिवशीच्या पोळ्या (चपात्या)
१ कप शिजलेला भात (आदल्या दिवशीचा)
फोडणीसाठी: २ टेस्पून तेल, १/८ टिस्पून मोहोरी, १/४ टिस्पून जिरे, चिमूटभर हिंग, १/८ टिस्पून हळद, १/४ टिस्पून लाल तिखट, ३-४ कढीपत्ता पाने
२ टेस्पून शेंगदाणे
२ ते ३ टेस्पून मटार
१/४ कप बारीक चिरलेला कांदा
१ टिस्पून लिंबाचा रस
चवीपुरते मिठ
१/२ टिस्पून साखर
सजावटीसाठी बारीक चिरलेली कोथिंबीर आणि खोवलेला नारळ

कृती:
१) पोळ्यांचा हाताने कुस्कारा करून घ्यावा किंवा मिक्सरमध्ये भरडसर बारीक करावे. भात हाताने मोकळा करून घ्यावा.
२) कढईत तेल गरम करून आधी त्यात शेंगदाणे परतून घ्यावे. नंतर त्यातच मोहोरी, जिरे, हिंग, हळद, लाल तिखट आणि कढीपत्ता पाने घालून फोडणी करावी. त्यात कांदा आणि मटार घालून परतावे. अंदाजे मिठ घालावे.
३) कांदा निट परतला गेला गॅस मध्यम करून त्यात भात घालावा. निट मिक्स करून बारीक केलेल्या पोळ्या घालून निट परतावे. साखर घालून १ वाफ काढावी. लिंबाचा रस चवीनुसर घालावा.
कोथिंबीर आणि ओल्या खोबर्‍याने सजवावे. गरमागरम सर्व्ह करावे.

labels:
phodnicha bhat, phodnichi poli, fodani chi poli

फोडणीची पोळी - Phodnichi Poli

Phodanichi Poli in English

२ ते ३ जणांसाठी
वेळ: १५ मिनीटे

साहित्य:
७ ते ८ पोळ्या (आदल्या दिवशीच्या)
फोडणीसाठी: २ टिस्पून तेल, चिमूटभर मोहोरी, १/४ टिस्पून जिरे, चिमूटभर हिंग, १/४ टिस्पून हळद, १/२ टिस्पून लाल तिखट, २ कढीपत्ता पाने
१/४ कप कांदा, बारीक चिरलेला
२ टेस्पून तळलेले शेंगदाणे
१/२ टिस्पून लिंबाचा रस
चवीपुरते मिठ
२ चिमटी साखर
सजावटीसाठी चिरलेली कोथिंबीर

कृती:
१) आदल्या दिवशीच्या पोळ्या मिक्सरमध्ये बारीक करून घ्याव्यात.
२) कढईत २ टिस्पून तेल गरम करावे. त्यात मोहोरी, जिरे, हिंग, हळद, तिखट आणि कढीपत्ता घालून फोडणी करावी. त्यात कांदा घालून परतावे. शेंगदाणे घालावे.
३) तयार फोडणीत मिक्सरमध्ये बारीक केलेल्या पोळ्या घालाव्यात आणि मध्यम आचेवर परतावे. मिठ आणि साखर घालून २ मिनीटे मंद आचेवर वाफ काढावी.
फोडणीची पोळी तयार झाली कि लिंबाचा रस आणि कोथिंबीर घालून घालून गरमच सर्व्ह करावे.

टीप:
१) जर पोळ्या मिक्सरमध्ये बारीक करायची नसेल तर हातानेच बारीक तुकडे करूनही फोडणीस घालून शकतो.
२) फोडणीच्या पोळीबरोबर दही आणि लोणचे खुप छान लागते.
३) फोडणीची पोळी जर थोडी नरम पाहिजे असेल तर वाफ काढताना थोड्या ताकाचा हबका मारावा.
४) फोडणीमध्ये थोडे मटार घातल्यास फोडणीची पोळी छान लागते.

Labels:
Phodanichi poli, phodnichi poli, leftover chapati snack

पोळीचा लाडू - Policha Ladu

Policha Ladu in English

साधारण ४ ते ५ लाडू
कृतीला लागणारा वेळ: ५ मिनीटे

साहित्य:
४ ते ५ आदल्या दिवशीच्या पोळ्या
२ टेस्पून किसलेला गूळ, किंवा चवीनुसार
२ टेस्पून साजूक तूप

कृती:
१) पोळ्यांचा कुस्करा करून मिक्सरमध्ये भरडसर फिरवून घ्यावे.
२) त्यात गूळ आणि तूप घालून चांगले मळावे. गूळ, तूप आणि मिक्सरमध्ये बारीक केलेली पोळी हे चांगले मिक्स झाले पाहिजे. या मिश्रणाचे छोटे छोटे लाडू वळावेत.

टीप:
१) काहीजणांना पोळ्या मिक्सरमध्ये बारीक केलेल्या आवडत नाही. अशावेळी पोळीचा बारीक कुस्करा करून त्याचे लाडू बनवावेत.
२) या लाडूंमध्ये ड्रायफ्रुट्सची भरडसर पूड आवडत असल्यास घालू शकतो. तसेच शोभेकरता बेदाणेही लावू शकतो.

Another recipe from leftover Chapati - Quesadilla

Labels:
Policha Ladu, chapata ladu, leftover chapati ladu

इडली फ्राय - Idli Fry

Idli Fry in English

वाढणी: ३ जणांसाठी (प्रत्येकी ६ तुकडे)



साहित्य:
६ उरलेल्या इडल्या
तळण्यासाठी तेल
१/४ टिस्पून मिठ
१/२ टिस्पून लाल तिखट
१/२ टिस्पून चाट मसाला

कृती:
प्लेन इडली फ्राय बनवण्यासाठी
कढईत तेल गरम करत ठेवावे. प्रत्येक इडलीचे ३ उभे तुकडे करावे किंवा आवडीच्या शेपमध्ये कापावेत. गरम तेलात मिडीयम हाय गॅसवर तळून काढा. इडलीमध्ये आधीच मिठ असल्याने गरज असल्यास थोडे मिठ भुरभूरावे.
मसालेदार इडली बनवण्यासाठी
वरील प्रमाणेच इडल्या तळून घ्याव्यात. गरम असतानाच त्यावर थोडे मिठ, तिखट आणि चाट मसाला भुरभूरवून निट मिक्स करावे.

गरमागरम इडली फ्राय टोमॅटो केचप किंवा चटणीबरोबर खावे.

Labels:
Idli Fry, Fried Idli, Spicy Idli fry

पावभाजी बाईट्स - Pavbhaji Bytes

Pavbhaji Bites (English Version)

साहित्य:
८ फ्रेंच ब्रेडचे तुकडे (Image) (१ इंचाचे)
(हा ब्रेड वरून कडक आणि आतमध्ये नरम असतो.)
१ कप पावभाजीची भाजी
किसलेले चिज
चिरलेली कोथिंबीर

१) फ्रेंच ब्रेडचे तुकडे एका डब्यात भरून ठेवावेत. डब्याचे झाकण थोडे उघडे ठेवावे जेणेकरून ब्रेड थोडा कडक होईल.
२) ब्रेडच्या तुकड्यावर एक ते दिड चमचा पावभाजी पसरावी. त्यावर थोडे किसलेले चीज घालावे.
३) ३५० F वर ओव्हन प्रिहीट करावे. हे ब्रेडचे तुकडे १०-१२ मिनीटे किंवा चिज वितळेपर्यंत बेक करावे. सर्व्ह करताना थोडी कोथिंबीर पेरावी.
हे पावभाजी बाईट्स चहाच्या वेळी स्नॅक म्हणून खायला छान लागतात.

Labels:
pavbhaji bites, Spicy Snacks, pavbhaji recipe, bhaji pav recipe, leftover recipe, party snacks, pavbhaji snacks, mumbai pavbhaji

पट्टी शंकरपाळे - Patti Shankarpale

Patti Shankarpale (English Version)

हि पट्टी सामोसेची कृती. पट्टी सामोसे बनवल्यावर उरलेल्या पट्ट्यांचे तिखटमिठाचे शंकरपाळे करता येतात. मला हे छोटे आणि कुरकूरीत शंकरपाळे खुप आवडतात. आणि हे शंकरपाळे बनवता यावेत म्हणून मुद्दाम जास्त पट्ट्या बनवते. आपण गोड शंकरपाळे प्रामुख्याने दिवाळीत बनवतो. असे तिखटमिठाचे शंकरपाळे कधीही खायला बनवता येतात. तर उरलेल्या पट्ट्यांपासून शंकरपाळे बनवण्याची हि कृती..

साहित्य:
पट्टी सामोस्याच्या उरलेल्या पट्ट्या
लाल तिखट
मीठ
चाट मसाला
तळण्यासाठी तेल

कृती:
१) पटट्याचे शंकरपाळ्यासारखे चौकोनी तुकडे करावे. व मध्यम आचेवर तेलात तळून काढावे. तळून झाले कि पेपर टॉवेलवर काढून ठेवावे.
२) नंतर एका बोलमध्ये घेऊन त्याला तिखट, मिठ, चाट मसाला लावून घ्यावा. हे शंकरपाळे एकदम कुरकुरीत आणि चविष्ट लागतात.

Labels

Diwali snacks, Maharashtrian shankarpale recipe, tikhat shankarpale, diamond chips, marathi diwali faral, faral recipe, easy shankarpale recipe

फोडणी भात - Phodni Bhat

Phodani Bhat (English Version)

बरेचवेळा भात उरला कि आपण त्याचा फोडणीभात बनवतो. एखादा पदार्थ नेहमीच्या पद्धतीने न बनवता थोड्या वेगळ्या पद्धतीने बनवली तर खायलासुद्धा मजा येते. खाली दिलेली कृती फोडणीभाताचीच आहे पण थोडी वेगळी आणि सर्वांनाच आवडेल अशी आहे.


साहित्य:
२-३ वाट्या मोकळा भात
१/२ वाटी गाजराचे तुकडे
१ वाटी मटार
१ लहान भोपळी मिरची उभी चिरून
१/४ वाटी फरसबी
३-४ लाल सुक्या मिरच्या
३-४ चमचे तेल
१/२ लहान चमचा हिंग,१ लहान चमचा जिरे
कढीपत्ता
२ चमचे लिंबाचा रस
थोडी चिरलेली कोथिंबीर
मीठ

कृती:
१) आदल्या दिवशीचा भात असेल तर तो मोकळा करून घ्यावा.
२) सर्व भाज्या बारीक चिरून घ्याव्यात. कढईत / नॉनस्टीक फ्राईंग पॅनमध्ये तेल गरम करावे. हिंग जिरे कढीपत्ता घालून फोडणी करावी. लाल मिरच्यांमधल्या बिया नको असतील तर मिरच्या तोडून त्यातील बिया काढाव्यात. मिरच्या फोडणीत घालाव्यात.
३) फोडणीत आधी मटार आणि फरसबी थोडी परतून २ मिनीटे वाफ काढावी. नंतर भोपळी मिरची आणि गाजराचे बारीक तुकडे घालून वाफ काढावी. भाज्या अर्धवटच शिजवाव्यात, खुप शिजू देवू नयेत. भाज्या शिजताना थोडे मिठ घालावे.
४) नंतर त्यात मोकळा भात घालावा. थोडा परतून वाफ काढावी. लिंबाचा रस घालावा भाज्या शिजताना थोडे मिठ घातलेलेच आहे त्यामुळे आवश्यक असल्यासच मिठ घालावे. कोथिंबीर घालावी
हा भात गरम गरम खायला छान लागतो.

टीप:
१) बर्याचजणांना फोडणी भातात लसणीची चव आवडते तेव्हा फोडणी करताना त्यात १-२ लसूण पाकळ्या ठेचून घालाव्यात.
२) आवडीनुसार भाज्या घालू शकतो.
३) या भाताच्या फोडणीत थोडे आले ठेचून घातले तरी छान चव येते.

Labels:
Leftover rice recipe, healthy rice recipe, rice and vegetables, fried rice and veggies, Fried Rice, Leftover Rice, Fried Leftover Rice, Phodanicha bhat, phodni bhat

कसेडिया - Quesadilla Indian

Chakali's Version of Quesadilla

कसेडिया हा मेक्सिकन पदार्थ आहे. यामध्ये मुख्यतः चीजचा जास्त वापर केला जातो. Quesadilla हा शब्द Queso या स्पॅनिश शब्दावरून तयार झाला आहे. स्पॅनिशमध्ये Queso म्हणजे चीज.
मक्याच्या किंवा गव्हाच्या पोळ्यांमध्ये {ज्याला Tortilla असे म्हटले जाते} आवडत असलेल्या पदार्थांचे स्टफिंग करून हा पदार्थ बनवला जातो. स्टफिंग मध्ये वेगवेगळ्या भाज्या किंवा नॉन-वेजिटेरियन लोकांना खिम्याचा ही वापर करता येतो. मी हाच पदार्थ थोडा भारतीय लूक देऊन बनवला आणि मला तो खूप आवडला. त्याची कृती खालीलप्रमाणे :

पोळ्या/ चपात्या


साहित्य

तयार कसेडिया

साहित्य :
२ छोट्या चपात्या/ फुलके (भाजून)
१ छोटा कांदा
१ छोटा टोमॅटो
अर्धी भोपळी मिरची
पाती कांदा
१ हिरवी मिरची
बटर
किसलेले चीज (मेक्सिकन चीज ब्लेण्ड मिळाल्यास उत्तम)
चाट मसाला
मीठ
ग्रील करण्यासाठी सॅण्डविच टोस्टर

कृती :
१) प्रथम कांदा, टोमॅटो, भोपळी मिरची उभी चिरून घ्यावी. पाती कांद्याची फक्त पात घेऊन ती एकदम बारीक चिरावी.
२) दोन पैकी एका पोळीला एका बाजूने थोडे बटर लावून घ्यावे, त्यावर थोडे मीठ पेरावे.
३) प्रत्येक पोळीवर चिरलेला कांदा, टोमॅटो, भोपळी मिरची आणि पाती कांदा घालावा. हिरवी मिरची बारीक चिरून पोळीवर घालावी. वरुन चाट मसाला आणि मीठ घालावे.
४) शेवटी थोडे किसलेले चीज घालावे. दुसरी पोळी कांदा टोमॅटो घातलेल्या पोळीवर ठेवावी.
५) वरुन हलक्या हाताने थोडा दाब द्यावा. आणि टोस्टरमध्ये घालावे. कसेडीया टोस्टरमध्ये चांगला ग्रील करून घ्यावा. त्यावर थोडे बटर लावावे आणि थोडा चाट मसाला लावावा. आणि गरम गरम खावा.

टीप :
१) जर सॅण्डविच टोस्टर उपलब्ध नसेल तर कसेडीया तव्यावरही करू शकतो.
२) आवडीनुसार मश्रुम, गाजर व इतर भाज्या घालू शकतो.
३) आदल्या दिवशीच्या पोळ्या संपवण्यासाठी कसेडीया हा उत्तम पर्याय आहे.

चकली